3 červienia pačała pracu beta-viersija sacyjalnaj sietki Ukrainians, raspracavanaj dla ŭkrainskaj aŭdytoryi. Za niekalki sutak u joj zarehistravalisia dziasiatki tysiač čałaviek, piša Tut.by.
Pakul u sacyjalnaj sietcy jość mahčymaść tolki dla rehistracyi. Miarkujučy pa zabłakavanych značkach, u budučyni možna budzie adpraŭlać paviedamleńni, dadavać siabroŭ, prahladać ich naviny i słuchać muzyku.
«Pośpiech Ukrainians naŭprost zaležyć ad vas i vašaj aktyŭnaści, tamu čakajcie novyja funkcyi pry dasiahnieńni 100 000 zarehistravanych karystalnikaŭ», — tłumačać stvaralniki servisu. Na momant napisańnia natatki ŭ sacyjalnaj sietcy było zarehistravana bolš za 30 tysiač čałaviek.
Nahadajem, 16 maja prezident Ukrainy Piatro Parašenka padpisaŭ ukaz ab novych sankcyjach suprać Rasii. Jany praduhledžvajuć błakavańnie rasijskich sacsietak i prypynieńnie viaščańnia rasijskich telekanałaŭ. Pad sankcyi trapiła rasijskaja karparacyja Mail.Ru Group i jaje ŭkrainski filijał.
Ukrainskim pravajdaram ciapier zabaroniena pradastaŭlać pasłuhi pa dostupie da resursaŭ servisaŭ «Mail.ru», «Ukantakcie» i «Adnakłaśniki». Taksama dla žycharoŭ Ukrainy akazaŭsia zabłakavany dostup da ŭsich servisaŭ «Jandeksa» — pošukavika, ahrehatara navin, nadvorja, kart, raskładu i pierakładčyka.
