JUNEJDS raźličvaje, što Biełaruś stanie pieršaj krainaj, jakaja pieramoža epidemiju VIČ. Pra heta zajaviŭ siońnia žurnalistam namieśnik Hienieralnaha sakratara AAN — vykanaŭčy dyrektar Abjadnanaj prahramy AAN pa VIČ/ŚNIDzie (JUNEJDS) Mišel Sidzibe, pieradaje BIEŁTA.
Mišel Sidzibe adznačyŭ, što Biełaruś u liku pieršych dabiłasia istotnych vynikaŭ u praduchileńni pieradačy VIČ-infiekcyi ad maci dziciaci. «My taksama spadziajomsia, što Biełaruś stanie pieršaj u śviecie krainaj, jakaja zmoža pieramahčy epidemiju virusa ŭ cełym», — padkreśliŭ jon.
Namieśnik Hienieralnaha sakratara AAN sustreŭsia siońnia z Prezidentam Biełarusi Alaksandram Łukašenkam. Baki abmierkavali dasiahnieńni biełaruskaj achovy zdaroŭja, a taksama pierśpiektyvy ŭzajemaadnosin Biełarusi i afrykanskich krain. Na dumku Mišela Sidzibe, biełaruskija nou-chau, technałohii ŭ takich śfierach, jak adukacyja i achova zdaroŭja, ukaranionyja ŭ dziaržavach Afryki, źmieniać ich žyćcio da lepšaha.
Mišel Sidzibe taksama źviarnuŭ uvahu, što Biełaruś dabiłasia važkich vynikaŭ u achovie zdaroŭja maci i dziaciej. U cełym palityka biełaruskaj dziaržavy maje sacyjalna aryjentavany charaktar, jana nakiravana na roŭny dostup usich słajoŭ nasielnictva da pasłuh adukacyi i achovy zdaroŭja.
