U Pietrykaŭskim rajonie pavodkavymi vodami ad raki Prypiać padtapiła dva ŭčastki hruntavaj darohi Pietrykaŭ - Viałaŭsk, paviedamili ŭ Homielskim abłasnym upraŭleńni MNS Biełarusi. Praciahłaść učastkaŭ padtapleńnia - pa 100 m. Adlehłaść pamiž imi składaje adzin kiłamietr.
Žyćciadziejnaść ŭ nasielenych punktach Viałaŭsk, Čarnocki, Šastovičy i Maisiejevičy nie parušanaja. Pahrozy žyłym damam, haspadarčym budynkam, administracyjnym budynkam niama. Paromnaja pieraprava pracuje ŭ kruhłasutačnym režymie.
U vypadku dalejšaha padvyšeńnia ŭzroŭniu vady i niemahčymaha prajezdu pa dadzienaj aŭtadarozie jość abjaznaja daroha praz Mazyr.
Dla pryniaćcia mier apieratyŭnaha reahavańnia manitorynh pavodkavaj abstanoŭki ratavalnikami ažyćciaŭlajecca kruhłasutačna.
U MNS nahadali praviły pavodzin pry ŭźniknieńni nadzvyčajnych situacyj pryrodnaha charaktaru. Pry pahrozie padtapleńnia i padtapleńni dvarovych terytoryj žycharam rehijonu nieabchodna vykonvać miery biaśpieki.
U vypadku ryzyki pavodki treba adklučyć elektryčnaść, usie nahravalnyja prybory i haz, piečy. Varta pieranieści zapasy aharodniny sa sklepa, a taksama meblu, elektraabstalavańnie i asabistyja rečy na vierchnija pavierchi abo vyšejšyja miescy (haryščy i h.d.). U miescach, niedastupnych dla vady, nieabchodna zrabić zapas ciopłych rečaŭ, ježy, pitnoj vady, lekaŭ. Taksičnyja rečyvy, takija jak piestycydy i insiektycydy, treba źmiaścić u nadziejnaje miesca, niedastupnaje dla vady, kab nie vyklikać zabrudžvańnia. U dvary doma treba zamacavać rečy i pradmiety, prybrać usio, što moža być źniesiena vadoj. Svojskuju žyviołu varta evakuiravać u biaśpiečnaje miesca. Zahadzia nieabchodna padrychtavać płyŭsrodki (łodki, płyty ź biarvieńnia i padručnaha materyjału).
