Hiermanija nie pavinna ZŠA i NATA «vielizarnuju sumu» hrošaj za abaronu. Pra heta zajaviła ministr abarony FRH Ursuła fon der Lajien, kamientujučy słovy prezidenta ZŠA Donalda Trampa ab abaviazkach Bierlina pierad Paŭnočnaatłantyčny aljans, pieradaje Reuters.
«Na rachunkach NATO niama zapazyčanaści», — zajaviła jana. Lajien dadała, što vydatki na abaronu taksama ŭklučajuć u siabie finansavańnie miratvorčych misij AAN, «jeŭrapiejskich misij», a taksama baraćbu z terarystyčnaj arhanizacyjaj «Isłamskaja dziaržava».
Ministr abarony Hiermanii adznačyła, što ŭsie chočuć, kab ciažar vydatkaŭ byŭ raźmierkavany sumlenna. Pavodle jaje słoŭ, kab heta adbyłosia, nieabchodnaja «sučasnaja kancepcyja pa biaśpiecy», u jakuju buduć uklučany členy — krainy NATA, sajuz pa abaronie ES, a taksama inviestycyi AAN.
Jak zajaviŭ ministr finansaŭ Hiermanii Volfhanh Šojble, u biudžecie na 2018 hod zakładzieny rost vydatkaŭ FRH na abaronu z € 1,4 młrd da € 38,5 młrd, što źjaŭlajecca 1,26% dachodaŭ krainy.
Pa vynikach sustrečy Trampa z kancleram Hiermanii Anhiełaj Mierkiel u piatnicu 17 sakavika amierykanski prezident napisaŭ u svaim Twitter, što FRH pavinna «vielizarnyja sumy hrošaj NATA i Złučanym Štatam». Pavodle jaho słoŭ, Bierlinu treba zapłacić «za mahutnuju i vielmi darahuju abaronu, jakaja pradastaŭlena Hiermanii».
Jak paviedamili ŭ Biełym domie, padčas pieramovaŭ Tramp i Mierkiel abmierkavali adnosiny pamiž ZŠA i FRH, a taksama pierśpiektyvy vybudoŭvańnia ŭzajemaadnosinaŭ z Rasijaj i situacyju va Ukrainie i ŭ Afhanistanie. Tramp padkreśliŭ, što jon «surjozna» padtrymlivaje NATA, i zajaviŭ, što sajuźnikam ZŠA pa aljansu treba ŭnosić «spraviadlivuju dolu na abaronnyja patreby».
Drukujecca ŭ miežach śpiecyjalnaj rubryki «Naviny Hiermanii»
