Pry kancy minułaha hoda nie stała zasnavalnika Hudzievickaha dziaržaŭnaha litaraturna-krajaznaŭčaha muzieja Alesia Mikałajeviča Biełakoza. 2 śniežnia na žałobnym mitynhu ideju nadańnia muzieju imia jaho zasnavalnika i šmathadovaha dyrektara vykazaŭ prafiesar Hrodzienskaha dziaržaŭnaha ŭniviersiteta imia Janki Kupały Alaksiej Piatkievič.
Kab hetaja prapanova nie zastałasia tolki prapanovaju, prychilniki dziejnaści i siabry Alesia Mikałajeviča ź miastečka Łunna Uładzimir Bryćko i Lavon Karpovič vykazalisia za zbor podpisaŭ pad kalektyŭnym zvarotam ab nadańni Hudzievickamu muzieju imia Alesia Biełakoza. Kaardynataram vystupiŭ mastaŭlanin Vasil Klimovič.
Ciapier zbor podpisaŭ znachodzicca na stadyi zaviaršeńnia, i nieŭzabavie kalektyŭny zvarot budzie nakiravany ŭ Mastoŭski rajvykankam.
Tolki jość adna akaličnaść u tym mierapryjemstvie, jakuju mnie davodzicca nazirać jak zborščyku podpisaŭ. Alesia Mikałajeviča dobra viedali prostyja mastaŭlanie i achvotna padpisvajucca, ale jość katehoryja hramadzian, jakija staviacca da idei ź pieraściarohaj i nie padpisvajuć zvarot. Na žal, jak ni prykra kazać, navat nie nazyvajučy proźviščaŭ, heta rabotniki kultury, nastaŭniki dy čynoŭniki. A jany voziać u hety muziej, jaki čynić honar rajonu, roznaha kštałtu delehacyi, školnikaŭ dy samyja naviedvajuć toj muziej. Prosta soramna słuchać ich adniekvańni.
