U Kramli nie atrymlivali zvarot hramadzianina Biełarusi, šef-redaktara ahienctva «Rehnum» z prośbaj pra palityčny prytułak u Rasii, zajaviŭ pres-sakratar prezidenta Rasiei Dźmitryj Piaskoŭ, paviedamlaje TASS.
«Nie było nijakich zvarotaŭ. Nijakich papier my nie atrymlivali, mnie nieviadoma pra toje, što niejkija ŭvachodzili zvaroty na hety kont», — skazaŭ jon.
Piaskoŭ nahadaŭ, što «isnujuć peŭnyja kanały padačy zvarotaŭ, jany dobra viadomyja».
Nahadajem, Barančyka zatrymali ŭ Maskvie nočču 15 sakavika pa zapycie Śledčaha kamiteta Biełarusi pa spravie «prarasijskich kałumnistaŭ». Advakat Barančyka zajaviŭ, što jaho padabaronny adrazu ž źviarnuŭsia da prezidenta Rasii Uładzimira Pucina z prośbaj dać jamu palityčny prytułak. Hienieralny prakuror Biełarusi nazvaŭ prośbu ab prytułku «vykrutami i pijaram». Sud Maskvy vyrašyŭ nie aryštoŭvać Barančyka, bo paličyŭ nieabhruntavanymi abvinavačvańni pazoŭnika (SK Biełarusi). Barančyka adpuścili na svabodu 17 sakavika.
