Infarmacyja vynikaje ź siońniašniaha lista pieršaj namieśnicy ministra kultury Iryny Dryha, dasłanaha na imia staršyni Sajuza biełaruskich piśmieńnikaŭ Barysa Piatroviča.
U paviedamleńni ministerstva havorycca, što «dapaŭnieńnie ŭ pastanovu Ministerstva kultury Respubliki Biełaruś ad 30 studzienia 2017 h. №7 budzie ŭniesiena va ŭstanoŭlenym paradku».
19 lutaha Ministerstva raźmiaściła na svaim sajcie Pastanovu №7, dadatkam da jakoj byŭ sfarmiravany pieralik tvorčych sajuzaŭ, dzie nie znajšłosia miesca dla Sajuza biełaruskich piśmieńnikaŭ. Pavodle pastanovy, siabry Sajuza, jakija znachodzilisia na tvorčaj pracy, aŭtamatyčna ŭklučalisia ŭ lik «darmajedaŭ» i musili płacić adpaviedny padatak.
List Ministerstva kultury źjaŭlajecca reakcyjaj na zajavy i zvaroty Sajuza biełaruskich piśmieńnikaŭ z patrabavańniem pierahledzieć pastanovu №7 i viarnuć najstarejšaj prafiesijnaj arhanizacyi piśmieńnikaŭ Biełarusi status tvorčaha sajuza.
