Hurt Naviband, jaki sioleta budzie pradstaŭlać Biełaruś u Kijevie na «Jeŭrabačańni», prezientavaŭ kančatkovuju viersiju pieśni «Historyja majho žyćcia». Dla zručnaści hurt vykłaŭ citry łacinkaj:
Konkursnuju kampazicyju hurt zapisvaŭ na studyi ŭ Minsku. Dla falkłornaha hučańnia muzyki vykarystoŭvali žyvyja instrumienty. U multytreku, u adroźnieńnie ad viersii nacyjanalnaha finała, źjavilisia skrypka i duda.
Zaćviardžaŭ novuju aranžyroŭku kampazitar, lidar «Pałaca» Aleh Chamienka, ź jakim Arciom i Ksiuša siabrujuć niekalki hadoŭ i ŭžo majuć sumiesny trek «Płakali viatry». Na pamiać Aleh padaryŭ muzykam značok Jeŭrapiejskaha viaščalnaha sajuza 1994 hoda, jaki jon atrymaŭ u Hiermanii na fołk-feście jak pieršy pradstaŭnik Biełarusi na jeŭrapiejskim muzyčnym forumie.
Fota — mieniedžment Naviband.
Razam z novaj aranžyroŭkaj Navi Band prezientavali firmiennaje łoha biełaruskaj delehacyi na konkursie. Łahatyp namalavany ŭručnuju i abličbavany biełaruskim dyzajnieram Maryjaj Lis. U im abjadny firmovy styl hurtu i biełaruski arnamient: Ziamla i sonca.
Taksama zajaŭleny słohan, ź jakim biełaruskaja delehacyja jedzie na konkurs u Kijeŭ: «#NaviBand from #BelarusLand». Chešteham dla Jeŭrabačańnia vybrali #Heyheyhayayayayo.
Ciapier muzyki prystupili da štodzionnych zaniatkaŭ pa vakale i pracy pa pastanoŭcy numara.
