Siabra Abjadnanaj hramadzianskaj partyi Alaksandar Kabanaŭ, adzin ź lideraŭ bieraściejskaha «Maršu niedarmajedaŭ» ź Biarozy, paviedamiŭ a 20 hadzinie ŭ svaim Fejsbuku, što jaho zabirajuć u milicyju.
Zaraz telefon spadara Kabanava niedasiažny. Biarozaŭskaja znajomaja apazycyjanera paviedamiła, što jon zatrymany milicyjaj mienavita na miescy žycharstva pa viartańni ź bieraściejskaj akcyi.
U časie siońniašniaha maršu ŭ Bieraści Alaksandar Kabanaŭ kazaŭ karespandentu Svabody, što paśla akcyi sam dobraachvotna źjavicca ŭ milicyju.
Milicyjanty vyklikali jaho pozvaju na 17 hadzinaŭ 3 sakavika, nibyta kab uziać tłumačeńni za ŭdzieł u minułym «Maršy niedarmajedaŭ». Alaksandar pa hetaj poźvie nie pajšoŭ, patłumačyŭšy heta tym, što aścierahaŭsia preventyŭnaha zatrymańnia napiaredadni akcyi.
Alaksandar Kabanaŭ — adzin ź lideraŭ pratestu ŭ Bieraści. Paśla minułaha maršu, jaki adbyŭsia 26 lutaha, jaho za adzin dzień dvojčy zatrymlivali milicyjanty.
