Alaksandr Łukašenka padpisaŭ ukazy ab prysvajeńni vajskovych i śpiecyjalnych zvańniaŭ. Pra heta paviedamlaje pres-słužba biełaruskaha lidara.
Vajskovaje zvańnie hienierał-majora prysvojena Alaksandru Škirenku (načalnik hałoŭnaha arhanizacyjna-mabilizacyjnaha ŭpraŭleńnia — namieśnik načalnika Hienieralnaha štaba Uzbrojenych sił), Alaksandru Karavu (namieśniku kamandujučaha VPS i vojskami SPA - načalnik avijacyi), Siarhieju Fieakcistavu (načalniku ŭpraŭleńnia Kamiteta dziaržaŭnaj biaśpieki pa Viciebskaj vobłaści) i Siarhieju Cierabavu (načalniku ŭpraŭleńnia KDB Biełarusi pa Homielskaj vobłaści).
Vadzimu Siniaŭskamu (načalniku ŭpraŭleńnia ŭnutranych spraŭ Hrodzienskaha abłvykankama), Alaksandru Kavalčuku (načalniku ŭpraŭleńnia ŭnutranych spraŭ Mahabłvykankama) i Ivanu Padhurskamu (pieršamu namieśniku ministra ŭnutranych spraŭ — načalniku kryminalnaj milicyi) prysvojena śpiecyjalnaje zvańnie hienierał-majora milicyi.
Śpiecyjalnaje zvańnie hienierał-majora justycyi prysvojena Alaksandru Rachmanavu (načalniku ŭpraŭleńnia Śledčaha kamiteta pa Bresckaj vobłaści) i Uładzimiru Šałuchinu (načalniku ŭpraŭleńnia SK pa Viciebskaj vobłaści).
Prakuroru Bresckaj vobłaści Viktaru Klimavu prysvojeny kłasny čyn dziaržaŭnaha daradcy justycyi 3 kłasa.