Uśled za Iharam Karpienkam i Uładzimiram Kucharavym Minharvykankam pakidaje treci namieśnik staršyni Žanna Biryč. Pra heta TUT.BY paviedamili niekalki krynic. Taksama stała viadoma, dzie jaje pracaŭładkujuć ŭ bližejšy čas.
Fota: Stanisłaŭ Šaršukoŭ, TUT.BY
«Siońnia ŭ Biryč byŭ apošni pracoŭny dzień. Zabirajuć u Maskvu», — kaža adzin z surazmoŭcaŭ.
Jak paviedamiła inšaja infarmavanaja krynica, Žanna Biryč pierachodzić na pasadu namieśnika dyrektara departamienta antymanapolnaha rehulavańnia Jeŭrazijskaj ekanamičnaj kamisii.
«Jašče na hetym tydni jana ŭ Minsku, ale niedzie na nastupnym tydni źjazdžaje», — tłumačyć surazmoŭca.
Takim čynam, Žanna Biryč stała ŭžo trecim namieśnikam, jakoha Andrej Šorac straciŭ za paŭtara miesiaca. Nahadajem, 15 śniežnia 2016 hoda Ihar Karpienka staŭ ministram adukacyi, a Uładzimir Kucharaŭ — namieśnikam staršyni Kamiteta dziaržkantrolu. Na siońnia ŭ pasadach zastajucca tolki dva namieśniki mera — Andrej Damaracki i Viktar Łapcieŭ.
Žanna Biryč naradziłasia ŭ 1960 hodzie. Karjeru čynoŭnika pačała ŭ Łahojsku, dzie za 19 hadoŭ prajšła šlach ad śpiecyjalista da namieśnika staršyni rajvykankama. Potym pracavała staršynioj kamiteta ekanomiki Minabłvykankama, a ŭ 2011 hodzie stała namieśnikam staršyni staličnaj meryi, dzie kuryravała ekanomiku.