Kolkaść podpisaŭ pad anłajn-pietycyjaj za źjaŭleńnie vulicy Słuckich paŭstancaŭ pierakročyła 500. Da kanca zboru zastałosia try dni.
Kaardynatar ruchu «Za svabodu» ŭ Minskaj vobłaści Vital Amialkovič u pačatku studzienia inicyjavaŭ zbor podpisaŭ za pierajmienavańnie vulicy Kamsamolskaj u vulicu Słuckich paŭstancaŭ. Podpis možna pastavić anłajn na resursie Zvarot.by jašče try dni. 1 lutaha podpisy buduć dasłanyja adrasatam.
«Słuččaki i ja asabista, usie tyja nieabyjakavyja ludzi, katorym važna zachavać pamiać pra padziei Słuckaha zbrojnaha čynu, jakija pavažajuć śviadomy vybar Hierojaŭ našaj Baćkaŭščyny, usie my vielmi ŭdziačny tym, chto padtrymaŭ kampaniju pa pierajmienavańni ŭ horadzie Słucku vulicy Kamsamolskaj u vulicu Słuckich paŭstancaŭ», — prakamientavaŭ prahres u zbory podpisaŭ sajtu Pyx.by Amialkovič.
Pa jahonych słovach, «aktyŭnaść słuččakoŭ i padčas realnaha zboru podpisaŭ, i padčas anłajn kampanii dakazvaje, što vulica Słuckich paŭstancaŭ stanoŭča aceńvajecca žycharami horadu». «My robim važnuju i adkaznuju spravu, i nie majem prava spyniacca», — padkreśliŭ Amialkovič.
Kampanija pa zmahańni za vulicu Słuckich paŭstancaŭ budzie praciahvacca navat pry admoŭnym rašeńni słuckich uładaŭ. Arhanizatary ŭžo majuć idei publičnych akcyjaŭ, jakija jany praviaduć u Słucku.
Vital Amialkovič adznačyŭ, što «vulica Słuckich paŭstancaŭ abaviazkova źjavicca ŭ Słucku. «I voraham biełaruščyny, i im pamahatym pryjdziecca pryniać hety fakt», — zaklučyŭ abłasny kaardynatar ruchu «Za svabodu».
