Biełarusy, jakija ŭ 2015 hodzie žyli ŭ Rasii, čaściej za ŭsio źviartajucca ŭ padatkovuju, kab ich vyzvalili ad vypłaty zboru na darmajedstva. Pra heta padčas anłajn-kanfierencyi na sajcie Biełteleradyjokampanii zajaviŭ načalnik upraŭleńnia padatkaabkładańnia hramadzian, dekłaravańnia dachodaŭ i majomaści hałoŭnaha ŭpraŭleńnia padatkaabkładańnia fizičnych asob MPZ Andrej Kavaleŭski.
zyalt.livejournal.com
— Čaściej za ŭsio za vyzvaleńniem (ad padatku na darmajedstva) źviartajucca asoby, jakija žyli ŭ Rasijskaj Fiederacyi, — skazaŭ Andrej Kavaleŭski.
Biełarusy, jakija pražyvajuć u Rasii, mohuć atrymać paviedamleńnie na ŭpłatu padatku z-za taho, što «nivodny dziaržorhan nie moža skazać, kolki dzion hramadzianin pražyvaŭ u RF». Nahadajem, padatkovaja nie maje infarmacyi pra tych, chto vyjechaŭ u tyja krainy, ź jakimi ŭ Biełarusi adsutničaje pamiežny kantrol.
Kab paćvierdzić znachodžańnie ŭ Rasii 183 dzion i bolš u hodzie, treba padać u padatkovuju peŭnyja dakumienty. Ich śpis moža adroźnivacca ŭ zaležnaści ad situacyi.
Da prykładu, tym, chto ŭ 2015 hodzie pracavaŭ u Rasii, treba padać paćvierdžańnie ad najmalnika ab tym, što śpiecyjalist sapraŭdy pracavaŭ u kampanii. Pry hetym treba paznačyć, jakuju pracu jon vykonvaŭ i ŭ jaki pieryjad.
Raniej pravaabaroncy raspaviadali, što bolšaść «darmajedaŭ», jakija prychodziać pa jurydyčnuju dapamohu, — mužčyny ad 20 da 50 hadoŭ. Jak praviła, jany pracujuć u Rasii «pa-čornamu» i atrymlivajuć zarobak u kanviercie.
Pa apošnich dadzienych, padatak užo zapłacili 35 tysiač čałaviek, jany pieraličyli ŭ kaznu 10,5 miljona novych rubloŭ. Usiaho padatkovaja adpraviła bolš 440 tysiač paviedamleńniaŭ na vypłatu padatku.
Vypłacić padatak treba da 20 lutaha.