Prakuror siońnia padčas sudovych sprečak paprasiŭ prysudzić ślesaraŭ avaryjna-adnaŭlenčych rabot u vobłaści hazazabieśpiačeńnia 4-ha razradu filijała PU «Barysaŭhaz», jakija abvinavačvajucca ŭ pryčynieńni śmierci pa nieaściarožnaści, da 4 hadoŭ pazbaŭleńnia voli z adbyvańniem pakarańnia ŭ kałonii-pasialeńni. Pra heta BiełTA paviedamili ŭ Minskim abłasnym sudzie.
Na dumku dziaržabvinavačańnia, varta ŭličvać jak źmiakčalnuju akaličnaść najaŭnaść u abvinavačanych niepaŭnaletnich dziaciej.
Jak paviedamlałasia, trahiedyja adbyłasia 27 studzienia 2016 hoda ŭ Barysavie. U adnoj z kvater šmatpaviarchovaha žyłoha doma byli znojdzieny ciełyja pažyłych mužčyny i žančyny. U kvatery prysutničaŭ ustojlivy pach hazu. Padčas pakvaternaha abychodu paviercham nižej byli znojdzienyja cieły jašče čatyroch čałaviek, u tym liku dvuch niepaŭnaletnich 10 i 17 hadoŭ.
U abvinavačvańni prakuror adznačyŭ, što pry najaŭnaści vidavočnaj niebiaśpieki, jakaja ŭjaŭlaje realnuju pahrozu žyćciu i zdaroŭju žycharoŭ šmatkvaternaha žyłoha doma, ślesary nie vyjavili nieabchodnaść ramontu hazavaha abstalavańnia, choć byli abaviazanyja i mieli takuju mahčymaść. Jany nie likvidavali niaspraŭnaść, dapuściŭšy dalejšuju ekspłuatacyju abstalavańnia, jakoje ŭjaŭlaje pahrozu dla žyćcia žycharoŭ doma. Tym samym niadbajnaść i biaździejnaść ślesaraŭ paciahnuli za saboj utvareńnie z 16.00 26 studzienia 2016 hoda ŭ 10.00 27 studzienia vokisu vuhlarodu ŭ niebiaśpiečnaj dla žyćcia kancentracyi, što pryviało da hibieli 6 žycharoŭ ad vostraha atručvańnia.
