Biełaruś prapanavała u 2018 hodzie pravieści ŭ siabie mižnarodny kaśmičny kanhres, paviedamiŭ 20 studzienia na sustrečy z žurnalistami ŭ pres-centry BiełTA dyrektar navukova-inžyniernaha respublikanskaha ŭnitarnaha pradpryjemstva «Hieainfarmacyjnyja sistemy» Nacyjanalnaj akademii navuk Siarhiej Załatoj.
«Pravieści mižnarodny kaśmičny kanhres u Biełarusi — heta inicyjatyva našych kasmanaŭtaŭ. Pryjšoŭ vialiki list, padpisany Uładzimiram Kavalonkam, Aleham Navickim i hetak dalej», — rastłumačyŭ Załatoj.
Pavodle jaho słoŭ, u 2017 hodzie mižnarodny kaśmičny kanhres projdzie ŭ Paryžy. «Biełaruś hatovaja taki kanhres pravieści ŭ siabie i dać placoŭku dla praviadzieńnia hetaha mierapryjemstva ŭ 2018 hodzie. Adpaviednuju zhodu kiraŭnika dziaržavy ŭžo atrymali», — skazaŭ jon.
Jon paviedamiŭ, što ŭ hetymi dniami ŭ Minsk pryjedzie Uładzimir Kavalonak i akademija navuk rychtuje dla jaho infarmacyju pra dasiahnieńni Biełarusi ŭ kaśmičnaj śfiery. «Jon budzie rabić dakład na kanhresie ŭ Paryžy z tym, kab uzhadnić praviadzieńnie nastupnaha kanhresa užo ŭ Biełarusi. Ale temami takich kanhresaŭ stanovicca piłatavanaja kasmanaŭtyka. Na ich pryjazdžajuć kasmanaŭty z roznych krain», — adznačyŭ Załatoj.
Dyrektar pradpryjemstva nahadaŭ, što raz na dva hady prachodzić Biełaruski kaśmičny kanhres i ŭ 2017 hodzie zapłanavany čarhovy.
Jak patłumačyli BiełaPAN na pradpryjemstvie «Hieainfarmacyjnyja sistemy», havorka idzie pra mižnarodny kanhres, što arhanizujecca Asacyjacyjaj udzielnikaŭ kaśmičnych palotaŭ (AUKP). U jaje skład uvachodziać bolš jak 400 kasmanaŭtaŭ, jakija ździejśnili kaśmičnyja paloty. AUKP akazvaje padtrymku pa prasoŭvańni kaśmičnych daśledavańniaŭ, padajučy mahčymaści dla znosin pamiž kaśmičnymi śpiecyjalistami na mižnarodnym uzroŭni. Štohod AUKP arhanizuje mižnarodny kanhres u roznych krainach dla prafiesijnaha abmienu pamiž amierykanskimi, rasijskimi i mižnarodnymi kasmanaŭtami i astranaŭtami.
