Pad śniežnymi zavałami, što nakryli hatel Rigopiano ŭ horadzie Faryndoła ŭ Italii znojdzienyja vyžyłyja. Ratavalniki sprabujuć dabracca da ich i dastać na pavierchniu, paviedamlaje italjanskaje vydańnie Repubblica.
Reuters.com
Dla akazańnia dapamohi vyratavalnym słužbam u ratavańni na miesca rabot vylecieli viertaloty ź nieabchodnym abstalavańniem.
Jak paviedamiŭ pradstaŭnik vyratavalnych słužbaŭ Valter Miłan, abstanoŭka ŭ harach zastajecca składanaj. U toj ža čas, nadziei znajści novych vyžyłych zastajucca. «Tearetyčna, navat u takich umovach nadvorja. Kali ludzi znachodziacca ŭ «pavietranych kišeniach» u śniezie možna vyžyć 2-3 dnia. Choć heta vielmi ciažka», - zajaviŭ Miłan.
Łavina nakryła budynak hatela 18 studzienia. U vyniku kala 30 čałaviek prapali bieź viestak. Pry praviadzieńni pošukava-vyratavalnych rabot užo ŭdałosia znajści cieły troch zahinułych.