Apošnija paru hadoŭ 3D telebačańnie niaŭchilna hublała papularnaść, i voś ciapier jano aficyjna pakinuła nas. Jak paviedamlajecca pa sajcie cnet.com, LG i Sony, adny z najbujniejšych vytvorcaŭ televizaraŭ z 3D, zajavili ab spynieńni padtrymki funkcyi ŭ 2017 hodzie. Navat topavyja madeli ich liniejek buduć vychodzić biez mahčymaści pakazvać abjomnaje videa.
Samsung spyniŭ padtrymku 3D jašče ŭ minułym hodzie, i na minułaj technavystavie CES 2017 ni adzin z mnostva televizaraŭ roznych marak nie moh pachvalicca najaŭnaściu hetaj technałohii.
Cikavaść da jaje źjaviłasia na chvali pośpiechu filma «Avatar» u 2010 hodzie — tady bolšaść kampanij pačała vypuskać 3D-televizary. U 2012 hodzie čverć usich pradadzienych TB prypadali na prymačy z 3D, a ŭ 2016 hodzie — usiaho 8%. Zhodna z daśledavańniami vytvorcaŭ, pakupniki pry vybary bolš nie kirujucca najaŭnaściu technałohii abjomnaha malunka, nadajučy bolš uvahi prysutnaści 4K, HDR i pamieru ekrana.
