Šviejcarski źniščalnik supravadžaje śpiecbort z žurnalistami «kramloŭskaha puła». Fota: Reuters/Denis Pinchuk.
Ministerstva abarony Šviejcaryi prakamientavała fakt supravadžeńnia źniščalnikami F-18 samalota avijakampanii «Rasija» z uradavaj delehacyjaj i žurnalistami «kramloŭskaha puła», piša Reuters.
Pa słovach pres-sakratara ministerstva abarony Šviejcaryi, heta była rucinnaja «pravierka» samalotaŭ, jakija pralatajuć u niebie krainy.
«Heta jak pravierka mašyny na vulicy palicyjantam patrulom, kab pierakanacca, što jana nie była skradzienaja», — cytuje ahienctva pradstaŭnika Minabarony Šviejcaryi.
Pavodle jaho słoŭ, źniščalniki supravadžali rasijski bort na praciahu siami chvilin padčas palotu nad terytoryjaj krainy.
Za hod, udakładnili ŭ ministerstvie, VPS Šviejcaryi praviarajuć kala 400 zamiežnych samalotaŭ padčas pralotu nad terytoryjaj krainy.
Pra incydent u niebie Šviejcaryi stała viadoma ŭviečary ŭ piatnicu, 18 listapada. Samalot Ił-96-300 z rasijskaj delehacyjaj na borcie nakiroŭvaŭsia ŭ Pieru na samit Azijacka-Cichaakijanskaha ekanamičnaha supracoŭnictva (ACES). U niebie łajnier Šviejcaryi sustreli dva źniščalniki F-18, jakija niekatory čas supravadžali jaho.
Rasija nakiravała notu: źniščalniki VPS Šviejcaryi nablizilisia da samalota z žurnalistami «kramloŭskaha puła»
