Uładzimir Kondruś.
Spravu budzie razhladać sudździa Śviatłana Bandarenka.
Nahadajem, što žychar pasiołka Rudziensk Uładzimir Kondruś 1977 hoda naradžeńnia byŭ uziaty pad vartu 14 červienia ŭ miežach papiaredniaha rasśledavańnia za jaho mierkavany ŭdzieł u padziejach kala Doma ŭrada padčas vybaraŭ prezidenta ŭ 2010 hodzie. Jon abvinavačvajecca pa artykule 293 Kryminalnaha kodeksa «Masavyja biesparadki», pa jakim u 2011 hodzie było asudžana 49 čałaviek, mnohija z pazbaŭleńniem voli na roznyja terminy. Na čas śledstva jon utrymlivajecca ŭ SIZA №1 Minska.
Baćki, siastra i advakat Uładzimira nie mohuć raspavieści ŚMI padrabiaznaści spravy — jany dali padpisku ab nierazhałošvańni.
Sam Uładzimir amal dva miesiacy admaŭlaŭsia ad ježy, paśla čaho stan jaho zdaroŭja mocna pahoršyŭsia: jon nie moh navat samastojna chadzić.
Pravaabarončaja supolnaść Biełarusi pryznała Uładzimira Kondrusia palityčnym źniavolenym i patrabuje ad uładaŭ spynieńnia kryminalnaha pieraśledu ŭ dačynieńni da jaho i nieadkładnaha vyzvaleńnia z-pad varty.
«Materyjały ŭžo pieradali ŭ sud. A sam jon nabraŭ 10 kiłahramaŭ» — baćki i advakat Uładzimira Kondrusia raspaviali pra jaho siońniašni stan
«Uvieś čas jon pravodziŭ doma. Chiba što z sabakam svaim hulaŭ, i ŭsio» — chto taki Uładzimir Kondruś
Baćki Uładzimira Kondrusia ŭpieršyniu pahavaryli sa ŚMI
