Pravaja ruka vielikapakutnika Dzimitryja Sałunskaha prybudzie ŭ Minsk, paviedamili ŭ pres-słužbie Minskaj jeparchii.
pravoslavie.ru
4 listapada delehacyja Eładskaj Carkvy na čale ź mitrapalitam Vieryi, Nausy i Kambani Pancielajmonam dastavić śviatyniu ŭ Śviata-Duchaŭ kafiedralny sabor. Sustreču moščaŭ uznačalić mitrapalit Minski i Zasłaŭski Pavieł.
Minčanie mohuć pakłanicca śviatyni da 14:00 niadzieli 6 listapada. Dostup da moščaŭ budzie adkryty z 07:00 da 23:00. Paśla jany adpraviacca ŭ Babrujsk, Połack, Viciebsk i Oršu.
Śviaty Dzimitryj Sałunski žyŭ u III-IV stahodździach u horadzie Sałuni ŭ časy rymskaha impieratara Dyjakletyjana, haniciela chryścijan. Dzimitryj prykłaŭ šmat namahańniaŭ dla raspaŭsiudžvańnia chryścijanstva i adnojčy pa danosie byŭ pryviedzieny da impieratara, pierad jakim adkryta vyznaŭ svaju vieru. Za heta jon byŭ addadzieny pakutnickaj śmierci — jaho zakałoli dzidami.
