Roŭna miesiac tamu minčuk Uładzimir Ryžankoŭ stvaryŭ elektronnuju pietycyju na sajcie change.org, u jakoj vystupaje za poŭnuju zabaronu bieł-čyrvona-biełaha ściaha. U joj aŭtar prosić Alaksandra Łukašenku «spynić prapahandavańnie simvoliki zdradnikaŭ», a siłavikoŭ — spynić razhortvańnie ŭ Biełarusi ŭkrainskaha scenara.
Sam Uładzimir Ryžankoŭ — aktyvist Nacyjanalna-vyzvolnaha ruchu (NOD). Heta takaja frykavataja prarasijskaja arhanizacyja, jakaja ličyć, što «biełarusy — heta prajekt Aŭstra-Vienhryi, a Kanstytucyju nam napisali ŭ ZŠA». Unutry NODa miarkujuć, što 80% čynoŭnikaŭ u Rasii pracuje na Zachad.
U vieraśni Uładzimir Ryžankoŭ stvaryŭ ceły šerah elektronnych pietycyj. Samaj papularnaj ź ich stała suprać bčb-ściaha, jaje padpisała 353 čałavieki. Heta pry tym, što inicyjatyva aktyŭna pijaryłasia siarod prarasijskich aktyvistaŭ i arhanizacyj.
Inšyja ž pietycyi Ryžankova nie nabrali i sotniu prychilnikaŭ. Suprać biełaruskaj łacinki, jakaja vykarystoŭvajecca ŭ mietro i ŭ šyldach z nazvaj vulic, padpisałasia ŭsiaho 53 čałavieki. Za adradžeńnie biełaruskaj movy časoŭ Franciška Skaryny vykazałasia 63 čałavieki.
Dla paraŭnańnia: anłajn-pietycyju z zaklikam pryznać bieł-čyrvona-bieły ściah nacyjanalnaj kaštoŭnaściu, jakuju inicyjavali maładafrontaŭcy, padpisała 2300 čałaviek.