Siryjskaja ŭradavaja armija apublikavała aficyjnuju zajavu ab spynieńni pieramirja, bo bajeviki nie prytrymvajucca jaho ŭmoŭ, paviedamlajuć infarmahienctvy.
U zajavie kamandavańnia havorycca pra toje, što pieramirje mahło dać šaniec dla spynieńnia krovapralićcia, adnak terarystyčnyja hrupoŭki nie vykonvali ŭmovy pieramirja i dapuścili bolš za 300 parušeńniaŭ režymu spynieńnia ahniu. Bajeviki skarystalisia zaciššam dla pieraŭzbrajeńnia, pierahrupoŭki i płanavańnia novych napadaŭ, adznačajecca ŭ zajavie.
Siryjskaja armija ličyć, što joju byli pryniatyja ŭsie kroki dla vykanańnia režymu pieramirja i prajaŭlenaja «najvyšejšaja stupień vytrymki ŭ supraćstajańni terarystyčnym hrupoŭkam».
Pieramirje dziejničała z 12 vieraśnia. Umovy spynieńnia ahniu byli ŭzhodnienyja na šmathadzinnaj sustrečy ŭ Ženievie ministra zamiežnych spraŭ Rasii Siarhieja Łaŭrova i dziaržsakratara ZŠA Džona Kery, pa vynikach jakoj adbyłosia padpisańnie pahadnieńnia pa Siryi.
