Školniki Minskaha rajona atrymali prava jeździć u pryharadnym transparcie na vučobu ŭ Minsk biaspłatna. Pra heta havorycca ŭ rašeńni Minskaha abłasnoha savieta deputataŭ № 152 ad 15 vieraśnia, apublikavanym siońnia na Nacyjanalnym pravavym internet-partale.
«Ustanavić, što z 1 vieraśnia pa 30 červienia prava na biaspłatny prajezd majuć žychary Minskaha rajona Minskaj vobłaści — navučency ŭstanoŭ ahulnaj siaredniaj adukacyi i śpiecyjalnaj adukacyi, raźmieščanych na terytoryi Minska, na aŭtamabilnym transparcie ahulnaha karystańnia rehularnych pryharadnych znosin ad miesca žycharstva (miesca znachodžańnia) da miesca vučoby i nazad», — havorycca ŭ dakumiencie.
Takoje prava navučency pavinny paćvierdzić adpaviednaj daviedkaj, vydadzienaj ustanovaj adukacyi.
Nahadajem, što minskija školniki majuć prava na biaspłatny prajezd u hramadskim transparcie z 1 vieraśnia pa 30 červienia.
