Damoŭlenaść ab spynieńni bajavych dziejańniaŭ u Siryi, uzhodnienaja dypłamatami Rasii i ZŠA, aficyjna ŭstupiła ŭ siłu, u 19:00 pa miascovym časie ŭ paniadziełak.
Siryjskaja armija vypuściła zajavu, u jakoj abviaściła ab zamarozcy ŭsich bajavych dziejańniaŭ da paŭnočy 18 vieraśnia.
Pačatak pieramirja supadaje z pačatkam musulmanskaha śviata Id al-Atcha (viadomaha taksama jak Kurban-bajram).
Zhodna z dasiahnutymi damoŭlenaściami, kali pieramirje budzie vykonvacca na praciahu siami dzion, to Rasija i ZŠA pačnuć abmien vyvieddadzienymi i sumiesnyja pavietranyja apieracyi suprać džychadzisckich hrupovak.
Siryjski ŭrad zajaviŭ, što prymaje ŭmovy pieramirja, adnak pradstaŭniki apazicyjnych hrupovak pakul aficyjna nie vykazvali svajoj zhody z umovami dahavora.
Napiaredadni pačatku pieramirja siryjskaja armija naniesła mahutnyja bombavyja ŭdary pa padkantrolnych paŭstancam rajonach. U vyniku zahinuli kala 100 čałaviek.
Siryjskija aktyvisty taksama zajaŭlali pra aktyŭnaść rasijskich bajavych samalotaŭ u pravincyjach Idlib i Alepa.
Uzbrojeny kanflikt u Siryi, jaki pačaŭsia z paŭstańnia suprać prezidenta krainy Bašara Asada, praciahvajecca ŭžo piać hadoŭ. Za hety čas zahinuli bolš za 250 tysiač čałaviek.