U Viciebsku była zatrymanaja hrupa złačyncaŭ, jakija vymahali hrošy ŭ miascovych taksistaŭ. Infarmacyju pra heta padali ŭ pres-słužbie UUS Viciebskaha abłvykankama.
Jašče ŭ pačatku 2014 hoda stała pastupać infarmacyja pra toje, što niekalki žycharoŭ horada Viciebska zajmajucca vymahalnictvam hrašovych srodkaŭ.
Kab pravieryć atrymanyja dadzienyja, byŭ praviedzieny kompleks mierapryjemstvaŭ, u vyniku jakich vyśvietliłasia, što ŭ kryminalnuju hrupoŭku ŭvachodziła čaćviora miascovych žycharaŭ. Lidaram hrupy źjaŭlaŭsia mužčyna 1983 hoda naradžeńnia, jaki raniej mieŭ sudzimaść. Złamyśniki prymušali taksistaŭ, jakija pracujuć kala načnoha kłuba, płacić peŭnyja sumy hrošaj za «zastupnictva». Kali kiroŭcy admaŭlalisia płacić, to im pastupali pahrozy ab fizičnaj raspravie ci paškodžańni transpartnaha srodku.
Z červienia pa žnivień 2016 hoda supracoŭniki pravaachoŭnych orhanaŭ zatrymali ŭsich złamyśnikaŭ, jakija ciapier znachodziacca pad vartaj. U dačynieńni da ich była raspačataja kryminalnaja sprava pa častcy 2 artykuła 208 KK RB. Maksimalnaje pakarańnie, jakoje moža pahražać vymahalnikam — pazbaŭleńnie voli terminam da dziesiaci hadoŭ.
Pravaachoŭniki prosiać usich hramadzian, jakija što-niebudź viedajuć pra machinacyi dadzienaj hrupoŭki, paviedamić pa telefonach: 8 (0212) 36-50-44, 37-48-76, 102. Taksama možna źviarnucca pa adrasie: h. Viciebsk, vuł. Kasmanaŭtaŭ, d.3.
