Fota z supołki Vasila Ciełahrejkina.
Akazałasia, 4 lipienia ekipažy supracoŭnikaŭ DAI sutyknulisia padčas pieraśledu aŭtamabila «Miersiedes».
Jaho kiroŭca, zaŭvažyŭšy słužbovyja aŭto, raźviarnuŭsia, rezka pavialičyŭ chutkaść i nakiravaŭsia ŭ bok horada. Narad pačaŭ pieraśled. Pra heta prainfarmavali ekipažy supracoŭnikaŭ DAI, jakija pracavali ŭ horadzie.
Ni probliskavyja majački, ni sihnalizacyja nie spynili pravaparušalnika: na chutkaści kala 200 kiłamietraŭ u hadzinu jon skryŭsia. Kab znajści honščyka, supracoŭnikam milicyi daviałosia detalova raźbiracca ŭ spravie — na «Miersiedesie» z rasijskaj rehistracyjaj byli ŭstanoŭlenyja biełaruskija tranzitnyja numary ad «Opiela».
Pra heta paviedamlajecca ŭ siužecie «Hrodno Plus».
Ni «Opiel Amieha», ni «Miersiedes» nie byli aformlenyja pa zakonie. 25-hadovy žychar Hrodna vyrašyŭ, što supracoŭniki DAI radziej spyniajuć transpart z tranzitnymi numarami, čym z rasijskimi.
Padčas pravierki vyśvietlili, što ŭ lichača nie było pravoŭ kiravańnia aŭtamabilem. Ich jon pazbaviŭsia dva miesiacy tamu za paŭtornaje pieravyšeńnie chutkaści bolš čym na 20 kiłamietraŭ u hadzinu.
— Na haradzienca skłali try pratakoły. Ciapier jaho čakaje vialiki štraf, — prakamientavaŭ namieśnik načalnika ŭpraŭleńnia DAI UUS Hrodzienskaha abłvykankama Alaksandr Vajcieška.
Što tyčycca DTZ z dvuma patrulnymi aŭtamabilami, to vinavaty ŭ avaryi budzie pryciahnuty da administracyjnaj adkaznaści.