Sud u stalicy Jehipta Kairy prysudziŭ byłoha prezidenta krainy Machamieda Mursi da pažyćciovaha źniavoleńnia za špijanaž na karyść Katara.
Jašče šaściora padsudnych, jakija prachodzili pa hetaj spravie, prysudžanyja da śmiarotnaha pakarańnia. U liku asudžanych na śmierć i dvoje žurnalistaŭ telekanała «Al-Džazira», jany asudžanyja zavočna.
Mursi pryznali vinavatym u kiraŭnictvie niezakonnaj arhanizacyjaj i ŭ kradziažy sakretnych dakumientaŭ. Pry hetym dakazać, što Mursi asabista pieradavaŭ Kataru sakretnyja dadzienyja, abvinavačvańniu nie ŭdałosia.
Asudžanyja, jak paviedamlajecca, majuć prava padać apielacyju.
Machamied Mursi, ciesna źviazany ź isłamisckaj arhanizacyjaj «Braty-musulmanie», znachodziŭsia va ŭładzie ŭ krainie kala hoda.
U 2013 hodzie jon byŭ zrynuty padčas vajennaha pieravarotu.
U Mursi ŭžo jość adzin śmiarotny prysud, vyniesieny jamu letam 2015 hoda: za dačynieńnie da masavych uciokaŭ źniavolenych z turmaŭ ŭ dni revalucyi 2011 hoda i ich dačynieńnie da biesparadkaŭ u haradach Jehipta.