Dva stratehičnyja bambardziroŭščyki B-52H Stratofortress udzielničajuć u maštabnych vučeńniach BALTOPS 2016 i skinuć z pavietra vučebnyja miny Mk 62 QuickStrike, paviedamlaje aficyjny sajt VPS ZŠA.
«Paradny» pralot V-52 u supravadžeńni źniščalnikaŭ roznych krain NATA padčas BALTOPS 2016. Fota alert5.com
Marskija miny mohuć być vykarystanyja ŭ vypadku ahresii z boku Rasii, kab zabłakavać vychad bajavych karabloŭ z rasijskaj vajenna-marskoj bazy ŭ Kalininhradzie ci padychody da ŭźbiarežža krain Bałtyi.
Bombavy adsiek V-52 ź minami Mk 62 QuickStrike u vučebnym varyjancie. Fota theaviationist.com
Miny Mk 62 QuickStrike - varyjant 500-funtovaj (227-kh) amierykanskaj avijabomby M 82, pieraroblenaj u marskuju minu, jakuju možna skidvać u mora ź vialikaj vyšyni. Majuć mahnitna-siejśmičnyja ci mahnitna-siejśmična-ciskavyja detanatary.
Apieracyja pravodzicca ŭ supracoŭnictvie z hałandskim tralščykam Vlaardingen, piša francuzski sajt meretmarine.com.
Marskija vučeńni BALTOPS 2016 pravodziacca amal adnačasova z maštabnymi naziemnymi i pavietranymi vučeńniami NATO ŭ Uschodniaj Jeŭropie. U BALTOPS 2016 prymajuć udzieł bolš za 6 tysiač vajskoŭcaŭ, 49 karabloŭ, padvodnyja łodki, 69 samalotaŭ.
