president.gov.by
Alaksandr Łukašenka ličyć pierśpiektyŭnym pašyreńnie śfier prymianieńnia elektraenierhii ŭ krainie z ulikam budučaha ŭvodu ŭ stroj Biełaruskaj AES. Ab hetym kiraŭnik dziaržavy zajaviŭ siońnia, razmaŭlajučy ŭ Jelskim rajonie ź miascovymi žycharami.
Pavodle słoŭ Alaksandra Łukašenki, paśla pačatku funkcyjanavańnia BiełAES u krainie budzie lišak elektraenierhii, jaki nieabchodna vykarystoŭvać.
«Kupić u nas hetuju elektraenierhiju naŭrad ci zmohuć susiedzi. U Rasii taksama praźmiernaść, va Ukrainie elektraenierhii chapaje. U Jeŭropie svaja elektraenierhija. To bok, heta tavar, idzie kankurencyja. Jaje pradać budzie ciažka», — adznačyŭ kiraŭnik dziaržavy.
«Tamu ja kažu, što siońnia treba rychtavacca da taho, kab zamiest hazu, nafty vykarystoŭvać elektryčnaść», — skazaŭ kiraŭnik krainy.
Alaksandr Łukašenka adznačyŭ, što hałoŭnaje navat nie zrabić tańniejšaj elektraenierhiju, što vypracoŭvajecca ŭ Biełarusi, a zachavać ciapierašni ŭzrovień cenaŭ. «Buduć daražeć haz i naftu (a ŭ nas ich niama), a enierhija budzie značna tańniej», - skazaŭ jon.
Kiraŭnik dziaržavy ličyć nieabchodnym užo ciapier pry ŭvodzie ŭ stroj novych abjektaŭ, žylla praduhledžvać bolš šyrokaje vykarystańnie elektraenierhii. «A kali vy ŭbačycie, što elektryčnaść budzie bolš vyhadnaj, čym haz, vy sami kupicie elektryčnuju plitu», - adznačyŭ Alaksandr Łukašenka.
Jašče adzin pierśpiektyŭny napramak — raźvićcio siehmientu elektramabilaŭ.
