Ministr sportu Rasii Vital Mutko zajaviŭ, što Rasija zaprašaje ŭsich zaŭziataraŭ na Čempijanat śvietu pa futbole ŭ 2018-m hodzie niezaležna ad ich «pieravah».
Vitalu Mutko na sumiesnaj pres-kanfierencyi z kiraŭnikom FIFA Džani Infancina ŭ Maskvie zadali pytańnie, jak heta — być u Rasii zaŭziataram nietradycyjnaj aryjentacyi.
Ministr adkazaŭ na hetaje pytańnie, ni razu nie ŭžyŭšy słovazłučeńnia «seksualnyja mienšaści» abo «seksualnaja aryjentacyja».
«Nichto ni pa jakich pierakanańniach ŭ našaj krainie nie pieraśledvaŭsia, i nijakich uščamleńniaŭ pravoŭ i svabod hramadzian nie budzie», — skazaŭ ministr.
«My nikoli nie robim zamachu na asabistaje žyćcio ludziej», — padkreśliŭ Mutko. Jon taksama dadaŭ, što treba «pravilna čytać i tłumačyć rasijskija zakony».
Na dumku ministra, zhodna z rasiejskim zakonam, «pakul čałavieku nie spoŭniłasia 18 hadoŭ, ni ŭ kaho nie pavinna być prava naviazvać jamu svaju fiłasofiju».
Mutko skazaŭ, što ŭ haściej inšych spabornictvaŭ u Rasii, u tym liku, Alimpijskich hulniaŭ, heta raniej nie vyklikała pytańniaŭ.
