13 sakavika ŭ adnoj z vajskovych čaściej Hrodzienskaha harnizona atrymaŭ traŭmu vajennasłužačy terminovaj vajennaj słužby. Kamandavańniem vajskovaj čaści nieadkładna była pryznačana i praviedziena pravierka, paviedamiła pres-słužba Ministerstva abarony Biełarusi.
«Padčas pravierki vyjaŭlena, što traŭma atrymana ŭ vyniku niepravamiernych dziejańniaŭ u dačynieńni da paciarpiełaha z boku jaho sasłužyŭca, jaki ź`iaŭlajecca taksama vajennasłužačym terminovaj vajennaj słužby. U dačynieńni da apošniaha kamandziram vajskovaj čaści raspačata kryminalnaja sprava», — havorycca ŭ paviedamleńni.
«U Ministerstvie abarony luboje parušeńnie staranna praviarajecca z metaj vyjaŭleńnia jaho pryčyn i ich likvidacyi, a taksama pryciahnieńnia vinavatych da adkaznaści ŭ adpaviednaści z zakanadaŭstvam Respubliki Biełaruś… Pazicyja vajennaha viedamstva da parušalnikaŭ zakona i nadalej budzie bieskampramisnaj», — havorycca ŭ paviedamleńni.
Varta adznačyć, što, tolki z aficyjnych paviedamleńniaŭ Minabarony, za apošnija paŭhoda stała viadoma jak minimum pra try fakty dziedaŭščyny ŭ biełaruskaj armii.
