U lutym u bankach źnizilisia jak rublovyja, tak i valutnyja ŭkłady nasielnictva. Pavodle infarmacyi BiełaPAN, na 1 sakavika ŭ bankaŭskaj sistemie abjom terminovych rublovych układaŭ nasielnictva skłaŭ 24,3 trłn. rubloŭ, terminovych valutnych depazitaŭ nasielnictva — 7,55 młrd. dołaraŭ.
Za studzień—luty terminovyja rublovyja ŭkłady nasielnictva skaracilisia na 1,86 trłn. rubloŭ, abo na 7,1%, u tym liku za luty jany źnizilisia na 368,9 młrd. rubloŭ, abo na 1,5%.
Terminovyja valutnyja depazity nasielnictva za studzień—luty skaracilisia na 1,9%, abo na 142,4 młn. dołaraŭ, u tym liku za luty — na 1,5%, abo na 116,6 młn. dołaraŭ.
Varta adznačyć, što terminovyja rublovyja ŭkłady nasielnictva ŭ bankaŭskaj sistemie skaračajucca z červienia 2015 hoda, terminovyja valutnyja ŭkłady — ź listapada 2015 hoda.
Nahadajem, u listapadzie 2015 hoda ŭ Biełarusi byŭ pryniaty dekret № 7, jaki raździaliŭ ŭsie bankaŭskija ŭkłady na dva vidy — adzyŭnyja (z pravam daterminovaha źniaćcia hrašovych srodkaŭ) i biezadzyŭnyja (terminovyja ŭkłady, uładalniki jakich nie majuć prava zabrać hrašovyja srodki da zakančeńnia terminu ich raźmiaščeńnia). Paśla pryniaćcia dekreta biełaruskija banki źnizili dachodnaść pa adzyŭnych układach.
Na dumku ajčynnych ekanamistaŭ, naroŭni z normami dekreta źnižeńnie ŭkładaŭ nasielnictva siońnia tłumačycca ŭpłyvam na hety praces i inšych faktaraŭ.
