12 sakavika ŭ biełastockim Ladovym Pałacy adbyŭsia kancert dvuch, jak jany sami siabie akreślili, bieskampramisnych hurtoŭ Brutto i Dzieciuki. U Pałacy sabrałosia kala dźviuch tysiač čałaviek.
Užo a pałovie na siomuju kala hałoŭnaha ŭvachoda ŭ Pałac stajała kala 800 čałaviek. Ludzi śpiavali Lapisaŭ, Brutto, NRM, paśla — abraźlivyja pieśni ab priezidentach niekatorych krain. Minaki ŭśmichalisia.
Fanaty hurtoŭ pryjechali na kancert z Hrodna, Bresta, Minska. Chapała i palakaŭ z ukraincami.
Siamja, razam ź dziećmi, pryjechali na kancert ź Minsku.
Darečy, arhanizatary zahadzia paviedamili, što ałkahol na terytoryi Pałaca pradavacca nie budzie.
Fany adryvalisia jak šalonyja. Jak heta było, hladzicie ŭ videarepartažy NN:
Klučavym momantam kancerta staŭ vielizarny BČB ściah, jaki fanaty razharnuli padčas vystupu abodvuch hurtoŭ. Videa Našaj Nivy:
U adroźnieńnie ad hrodzienskich chłopcaŭ-bałachoŭcaŭ, jakija amal kožnuju svaju pieśniu pryśviačali hierojam i histaryčnym padziejam, chłopcy-turnikmieny z Brutto źviartalisia da svaich fanaŭ pa- fiłasofsku, nakštałt: «Chto my? Brutto! Čaho my chočam? Kab było kruta!»
Naprykancy Brutto vykanała šmat pieśniaŭ sa starych Lapisaŭ, razam z byłymi trubačami hurtu — Ivanam Hałuškam i Uładzisłavam Siankievičam.
Paśla kancerta nie adbyłosia nivodnaha kanfliktu.
Takim čynam, atrymaŭsia taki dobry, biezaałkaholny i patryjatyčny kancert.
