Žycharka Rastoŭskaj vobłaści Rasii aštrafavanaja na miažy za pakinutuju ŭ pašparcie valutu, paviedamili ŭ pres-słužbie Bresckaj Čyrvanaściažnaj pamiežnaj hrupy imia F.E.Dziaržynskaha.
Incydent adbyŭsia ŭ mižnarodnym aŭtadarožnym punkcie propusku «Brest». Jedučy ź Biełarusi ŭ Polšču, žycharka horada Ziernahrad pradjaviła pamiežnamu naradu pašpart, u jakim znachodzilisia 50 jeŭra. Hety fakt supracoŭnikami pamiežnaj słužby rascenieny jak padbuchtorvańnie da parušeńnia paradku pahrankantrolu.
Pavodle słoŭ žančyny, hrošy ŭ dakumiencie jana pakinuła vypadkova. Adnak, zhodna z zakanadaŭstvam, navat nienaŭmysna ŭčynienyja padobnyja dziejańni kvalifikujucca jak administracyjnaje pravaparušeńnie i karajucca jak minimum štrafam. U peŭnych vypadkach pravaparušalniku moža pahražać departacyja.
«Bresckaja pamiežnaja hrupa nahadvaje hramadzianam, jakija pierasiakajuć dziaržaŭnuju miažu, ab nieabchodnaści zahadzia vyzvalić dakumienty ad vokładki i lubych układańniaŭ pierad prachodžańniem pamiežnaha kantrolu», — padkreślili ŭ pres-słužbie.
