Ministr ekanomiki Biełarusi Uładzimir Zinoŭski 3 sakavika ŭ efiry telekanała ANT zadaŭsia pytańniem, čamu b nie addać 1 młn kv.m svabodnych płoščaŭ pradprymalnikam.
Ministr nahadaŭ, što ŭkaz numar 78 ab mierach pa pavyšeńni efiektyŭnaści sacyjalna-ekanamičnaha kompleksu Biełarusi praduhledžvaje štohadovaje stvareńnie 50 tysiač rabočych miesc. «Ułada abaviazana stvarać novyja rabočyja miescy. Ličba 50 tysiač apraŭdanaja i dakładna padličanaja. U rehijonach u nas budujucca pradpryjemstvy, cełyja zavody, dzie nam patrebny buduć kadry», — skazaŭ Uładzimir Zinoŭski.
Ź inšaha boku, pavodle jaho słoŭ, u Biełarusi jość bolš za 1 młn kv.m svabodnych płoščaŭ. «Čamu hetyja płoščy za mizernuju płatu nie pradać abo nie addać dla raźvićcia vytvorčaha biźniesu małym pradpryjemstvam. Pradprymalnik atrymaje svaje dyvidendy, dziaržava — padatki i zaniataść», — adznačyŭ jon.
Stvarać rabočyja miescy buduć za košt biznesu, a taksama srodkaŭ Ministerstva pracy i sacyjalnaj abarony, što vydzialajucca na pieranavučańnie kadraŭ.
