28 lutaha ŭ hramadskaj zale Sabora Sv. Kiryły Turaŭskaha na Atłantyk Aveniu 401 u Ńju-Jorku prajšła impreza, pryśviečanaja 270-m uhodkam ad naradžeńnia Tadevuša Kaściuški. Rychtavała śviata maładziovaja hrupa Bruklinskaha adździełf BAZA pad režysiorskim kiraŭnictvam siabroŭki Upravy Adździełu Natalli Fiedarenki, z hałoŭnym refieratam vystupiŭ Zianon Paźniak.
Śviatočnuju imprezu adčyniŭ Barys Zdolnikaŭ, jaki vielmi pranikniona vykonvaŭ rolu Tadevuša Kaściuški. Apranuty ŭ nacyjanalny stroj, jon pračytaŭ uspaminy Kaściuški.
Sp.Paźniak padrabiazna raspavioŭ prysutnym pra žyćcio Tadevuša Kaściuški i pryvieŭ šmat histaryčnych faktaŭ, jakija jašče raz dakazvajuć, što Andrej Tadevuš Kaściuška byŭ sapraŭdnym hierojem, demakratam i patryjetam baćkaŭščyny. Andrej Tadevuš unios vialiki ŭkład u historyju Biełarusi, Polščy i Amieryki, niezdarma pa ŭsim śviecie isnujuć vulicy, stancyi mietro i masty, nazvanyja ŭ jaho honar.
Było adznačana, što isnuje šmat tvoraŭ pryśviečanych Kaściušku, što śviedčyć pra toje, što naš narod zaŭsiody viedaŭ, pavažaŭ i zachovaŭ pamiać pra našaha hieroja. Jak prykład hetamu, Śviatłana Kazačok zadeklamavała vierš sučasnaha piśmieńnika Uładzimira Hardziejki «Ruža Kaściuški», hałoŭnym źmiestam jakoha jość ideja voli i niezaležnaści Biełarusi.
Volha Tałatynik vystupiła ź videa radam pra siadzibu Kaściuški i zakranuła dyskusiŭnaje pytańnie, nažal, nie samaha najlepšaha stanu budynka.
Impreza atrymałasia ŭražlivaja i prysutnyja vielmi aktyŭna abmiarkoŭvali, zadavali pytańni. Pryjemna było bačyć, što tema dla ich važnaja. Na zaviaršeńnie ŭsim zachaciełasia zrabić pamiatnaje ahulnaje fota, kab zastaŭsia dobry ŭspamin.
