Opierupaŭnavažanyja adździeła kryminalnaha vyšuku Pieršamajskaha RUUS Minska zatrymali 31-hadovaha ŭradženca Viciebska, jaki padazrajecca ŭ machlarstvie, paviedamiła pres-aficer Pieršamajskaha RUUS stalicy Volha Kućko.
Źjaŭlajučysia hramadzianinam Rasii, mužčyna praz svaju znajomuju kamunikavaŭ ź biełaruskimi dziaŭčatami ŭ sacyjalnych sietkach. Jon prapanoŭvaŭ im u padarunak darahija aŭtamabili, a naŭzamien prasiŭ na praciahu hoda akazvać jamu intymnyja pasłuhi. Pieršaj na takija ŭmovy pahadziłasia 25-hadovaja žycharka stalicy. Joj pryjšło paviedamleńnie ad nieznajomaj dziaŭčyny ź imiem Anastasija Bačkova, u jakim havaryłasia, što bahaty mužčyna pa imieni Aleh šukaje sabie dobruju dziaŭčynu dla adnosin i hatovy być jaje sponsaram — moža adrazu padaryć darahuju mašynu. Minčanka paličyła prapanovu pryvabnaji stała pierapisvacca z novaj znajomaj, udakładniajučy ŭzrost, rost i zachapleńni zabiaśpiečanaha kavalera. Ubačyŭšy zacikaŭlenaść, Anastasija paprasiła ŭ dziaŭčyny numar mabilnaha telefona i skazała, što ciapier taja zmoža asabista razmaŭlać z Aleham u «Vajbiery». Akramia taho, Bačkova abiacała, što sponsar, ź jakim jana źviadzie žycharku stalicy, budzie jašče i płacić joj za sustrečy.
Praź niekatory čas Aleh sapraŭdy napisaŭ minčancy ŭ «Vajbiery» z maskoŭskaha numara. Dziaŭčyna paprasiła jaho dasłać svaje fota, ale mužčyna adrazu pastaviŭ umovy: jon kuplaje mašynu, a jana pavinna sustrakacca ź im i akazvać intymnyja pasłuhi. Paśla hetaha rasiejec kupiŭ kvitki, prylacieŭ u Minsk i paprasiŭ padklučyć jaho da biełaruskaha mabilnaha apieratara. Zatym para nakiravalisia ŭ adnu sa staličnych kaviarniaŭ, dzie padčas hutarki Aleh pacikaviŭsia, jaki aŭtamabil choča dziaŭčyna. Minčanka adkazała, što maryć pra «Parše Makan».
Maładyja ludzi patelefanavali ŭ sałon i daviedalisia, što mašyna kaštuje 69,5 tysiač jeŭra. Aleh vyrašyŭ, što heta doraha, i paprasiŭ u dziaŭčyny $600 u zakład. Darečy, u žycharki stalicy nie było navat pravoŭ kiroŭcy. Sponsar supakoiŭ jaje, skazaŭšy, kab jana nie chvalavałasia i jechała ŭ sałon zaklučać damovu na mašynu, a jon sam vyrašyć usie pytańni z atrymańniem paśviedčańnia kiroŭcy.
Paśla zaklučeńnia dahavora budučaja ŭładalnica «Parše Makao» patelefanavała Alehu i nazvała numar rachunku ŭ banku, na jaki treba było pieraličyć hrošy za aŭtamabil. Mužčyna prapanavaŭ dziaŭčynie adpravicca dadomu i pačakać, a ŭviečary pieratelefanavaŭ i skazaŭ, što paśviedčańnie kiroŭcy kaštuje $1,2 tysiačy, tamu jamu treba jašče $600 dla jaho atrymańnia. Minčanka pieradała jamu apošnija $200 i skazała, što bolš hrošaj u jaje niama. Praź niekalki dzion dziaŭčyna zapadozryła niadobraje i źviarnułasia pa dapamohu ŭ milicyju.
Druhoj paciarpiełaj akazałasia 32-hadovaja ŭradženka biełaruskaj stalicy. Aleh sam napisaŭ joj u sacyjalnaj sietcy, uvajšoŭ u davier, paśla čaho prapanavaŭ svajo sponsarstva. Umovy byli tyja ž, što i ŭ papiarednim vypadku, tolki dziaŭčyna sama pavinna była apłacić strachoŭku aŭtamabila marki «Mersedes». Paśla zaklučeńnia dahavora dziaŭčyna pieradała jamu $1,5 tysiačy na afarmleńnie strachoŭki, a sama zastałasia čakać kala banka. Bolš jana svajho sponsara nie bačyła.
U dadieny momant hramadzianin Rasii znachodzicca ŭ centry izalacyi pravaparušalnikaŭ HUUS Minharvykankama. Pa faktach padmanu žančyn pravodzicca pravierka. Milicyja prosić paciarpiełych ad dziejańniaŭ mužčyny źviartacca ŭ Pieršamajskaje RUUS Minska pa telefonach 8 (017) 280-02-02, 8 (029) 344-76-32, 8 (029) 159-02-01.
