Nacyjanalny bank sumiesna ź dziaržorhanami pradaŭžaje rabotu pa ŭstaranieńni praktyki farmiravańnia taryfaŭ i naminiravańnia płaciažoŭ u zamiežnaj valucie, paviedamili ŭ Nacyjanalnym banku pa vynikach pašyranaha pasiadžeńnia praŭleńnia.
«Pastupova buduć rabicca zachady pa admovie ad pryviazki da dalara ZŠA abo jeŭra pry vyznačeńni cen, stavak pa arendnaj płacie, mytnych pošlin i inšych płaciažoŭ», — adznačyli ŭ Nacbanku.
Jak było adznačana ŭ chodzie pasiadžeńnia, ažyćcioŭleny Nacbankam u 2015 hodzie pierachod da realizacyi hrašova-kredytnaj palityki ŭ režymie manietarnaha tarhietavańnia sadziejničaŭ dasiahnieńniu asnoŭnaj mety — źnižeńniu inflacyi da ŭstanoŭlenaha na hod metavaha paramietra nie bolš jak 12 pracentaŭ. Pry hetym bazavaja inflacyja źniziłasia z 14,6 pracenta ŭ 2014 hodzie da 11,3 pracenta ŭ 2015 hodzie.
«Pierachod z pačatku 2015 hoda da bolš hibkaj kursavoj palityki, sfakusiravanaj na pavyšeńni roli rynačnych miechanizmaŭ u kursaŭtvareńni, daŭ mahčymaść zabiaśpiečyć svoječasovuju reakcyju abmiennaha kursa na źmianieńnie źniešnich umoŭ, pierš za ŭsio — dynamiki rasijskaha rubla, i sadziejničaŭ padtrymańniu cenavaj kankurentazdolnaści biełaruskaha ekspartu», — kanstatavali pradstaŭniki rehulatara.
Uličvajučy značnaść upłyvu valutnaha kanała na ekanamičnyja ŭmovy ŭ krainie, u 2015 hodzie byŭ realizavany šerah mier pa dedałaryzacyi ekanomiki, u vyniku čaho, u pryvatnaści, udałosia istotna źnizić stupień upłyvu dynamiki abmiennaha kursa na inflacyjnyja pracesy.
Pa vynikach 2015 hoda pryrost pramiežkavaha aryjencira manietarnaj palityki — siaredniaj šyrokaj hrašovaj masy - skłaŭ amal 41 pracent. Asnoŭnaj pryčynaj rostu hetaha pakazčyka stała pieraacenka valutnaha składnika ŭ vyniku asłableńnia kursa biełaruskaha rubla. Pa fiksavanym kursie siaredniaja šyrokaja hrašovaja masa pavialičyłasia na 0,5 pracenta, što nižej za prahnoz.
