Prezientacyja pieršaha dziciačaha časopisa ŁNR «Vietlivyja čałaviečki» adbyłasia 17 lutaha ŭ Łuhansku, paviedamlaje Łuhanski infarmacyjny centr.
Tut i nižej fota: lug-info.com
Jak adznačyŭ hałoŭny redaktar vydańnia Siarhiej Kaleśnikaŭ, asnoŭnaj metaj časopisa źjaŭlajecca «duchoŭna-patryjatyčnaje vychavańnie padrastajučaha pakaleńnia».
«My chočam, kab našy dzieci vyraśli takimi voś «malčyšami-kibalčyšami», ludźmi biez strachu, biez paproku, vietlivymi, adkrytymi, abaroncami svajoj ziamli, svaich blizkich, sumlennymi i vysakarodnymi, kab u našych dziaciej byŭ niejki ideał, i jany da jaho imknulisia», — rastłumačyŭ Kaleśnikaŭ.
Pavodle jaho słoŭ, u jakaści ŭzoru dla pieršaha ŭ ŁNR dziciačaha časopisa jaho stvaralniki ŭziali saviecki časopis «Viasiołyja karcinki». Hałoŭred adznačyŭ, što akramia kazak, zahadak i rebusaŭ, časopis znajomić dziaciej z hierojami i viadomymi ludźmi Łuhanščyny.
Pry hetym jon padkreśliŭ, što, u adroźnieńnie ad Ukrainy, «časopis nie niasie nianaviści da inšych nacyjanalnaściaŭ i kultur, a nakiravany vyklučna na vychavańnie patryjatyzmu i lubovi da Radzimy».
Ci tak heta, sudzicie sami.
Płanujecca, što dziciačy vychavaŭča-zabaŭlalny časopis budzie vychodzić raz na miesiac, pačatkovy nakład składzie 1000 asobnikaŭ.
