Viktoryja Makarskaja (Marozava) — žonka znakamitaha rasijskaha śpievaka i akciora Antona Makarskaha. Duetam jany zbolšaha vystupajuć u Rasii, niahledziačy na toje, što naradziłasia Viktoryja ŭ Viciebsku.
Fota ź instahrama siamji.
U supolnym z Antonam Instahramie siońnia było vykładzienaje videa, u podpisy jakoha Viktoryja raspaviała, što na kancercie 14 lutaha ŭ Minsku jana, paśla vialikaha pramiežku času, narešcie pabačyła rodnaha baćku.
U adnym ź intervju śpiavačka raspaviała pra toje, što jaje maci ŭžo praz dva tydni paśla viasiella paškadavała ab tym, što vyjšła zamuž. U siamji byli rehularnyja kanflikty, i praz paŭtara hoda paśla naradžeńnia druhoj dački Moniki maci Viktoryi padała na razvod.
Maci i baćka Viktoryi. Fota ź siamiejnaha archivu.
Sama śpiavačka sprabavała źviazacca z baćkam paśla naradžeńnia pieršaj dački. Tady ŭsio abmiežavałasia telefonnymi razmovami, dy i Viktoryja nie była hatovaja da sustrečy. Učora ž, jak vidać pa dopisie ŭ Instahramie, śpiavačka była vielmi radaja pabačyć svajho baćku, choć heta i zdaryłasia niečakana.