Hałandskaja kampanija Guard from Above, jakaja śpiecyjalizujecca na pracy z drapiežnymi ptuškami, vyvučaje dla miascovaj palicyi mahčymaść vykarystańnia latučaj faŭny dla niejtralizacyi patencyjna varožych ci prosta «zabłukałych» dronaŭ.
Pra heta piša washingtontimes.com.
Kampanija apublikavała videa, na jakim aroł atakuje hramadzianski bieśpiłotnik-kvadrakopter.
Ptuška napadaje na dron źvierchu, chapaje «zdabyču» kipciurami i niasie jaje ŭ vyznačaje miesca.
«Časam nizkatechnałahičnaje rašeńnie vysokatechnałahičnaj prablemy bolš efiektyŭnaje, čym padajecca… Vykarystoŭvajučy drapiežnyja instynkty hetych ptušak, my možam dać rady z novaj pahrozaj», — adznačyŭ zasnavalnik kampanii Sjord Chahiendoorn.
Hałandskaja nacyjanalnaja palicyja paćvierdziła fakt supracoŭnictva i prymie rašeńnie adnosna pierśpiektyŭnaści takoha «zienitnaha» srodku ŭ hetym hodzie.
