Niežyvoje cieła miascovaha žychara vyjavili 9 lutaha apoŭdni ŭ adnym z aŭtaservisaŭ horada.
Padrabiaznaściaŭ trahiedyi pakul mała. Viadoma, što 37-hadovaha miascovaha žychara znajšli ŭ mašynie. Aŭtamabil znachodziŭsia ŭ pamiaškańni aŭtamajsterni.
— Abstaviny hibieli vyśviatlajuć supracoŭniki Vaŭkavyskaha rajonnaha adździeła śledčaha kamiteta, — raspavioŭ aficyjny pradstaŭnik upraŭleńnia Śledčaha kamiteta pa Hrodzienskaj vobłaści Siarhiej Šaršanievič.
***
Heta nie pieršy vypadak za apošni čas atručeńnia čadnym hazam. Tak, 27 studzienia ŭ Barysavie ŭ šmatkvaternym domie zahinuli šeść čałaviek. Asnoŭnaja viersija zdareńnia — atručeńnie čadnym hazam. A ŭviečary 7 lutaha ŭ vioscy Zabałoćcie Rahačoŭskaha rajona ŭ łaźni znajšli biez prykmiet žyćcia pažyłuju paru. Piensijaniery pamierli ad atručvańnia čadnym hazam.
A 2 lutaha ŭ Staŭbcoŭskim rajonie mama z adnahadovym synam taksama źviedali na sabie dziejańnie takoha hazu. Na ščaście, 23-hadovuju žančynu i dzicia ŭdałosia vyratavać. Jany byli špitalizavany z dyjahnazam «vostraje atručvańnie praduktami hareńnia pryrodnaha hazu lohkaj stupieni» ŭ miascovuju balnicu.