Infarmacyjna-analityčny centr pry Administracyi prezidenta pravioŭ sacyjałahičnaje daśledavańnie, pryśviečanaje staŭleńniu nasielnictva da relihii.
Na fota pieradvybarnaja «Malitva za Biełaruś» z udziełam pradstaŭnikoŭ usich asnoŭnych kanfiesij.
Ci vierać biełarusy ŭ Boha? 63,5% apytanych adkazali, što vierać, cytuje daśledavańnie BiełTA.
Jašče 5% vierać u zvyšnaturalnyja siły. 22% apytanych nie zmahli adnaznačna vyznačyć svajo staŭleńnie da viery, a 8,5% paznačyli, što nie źjaŭlajucca vierujučymi.
Jak padzialajucca vierniki pamiž asnoŭnymi kanfiesijami? Pravasłaŭnymi nazvali siabie 83% respandentaŭ, katalikami — 9,5%. Ale heta dola ad ahulnaj kolkaści viernikaŭ.
Kali ž pieraličvać ad usiaho nasielnictva, to pravasłaŭnych — 52,7%, a katalikoŭ — 6%.
Inšyja relihii i kanfiesii pradstaŭlenyja ŭ Biełarusi na ŭzroŭni statystyčnaj pamyłki. Sukupnaja kolkaść ich viernikaŭ skłała 1,3% nasielnictva.
Aktyŭnych viernikaŭ u Biełarusi zusim mała. Pavodle apytańnia, pastajanna biaruć udzieł u nabaženstvie 3,6% nasielnictva krainy, a vykonvajuć abrady — tolki 1,8% nasielnictva.
