Parłamient Danii pryniaŭ zakonaprajekt, jaki abaviazvaje mihrantaŭ, jakija prybyvajuć u krainu, zdavać najaŭnuju ŭ ich majomaść, košt jakoj pieravyšaje ekvivalent 1450 dalaraŭ.
U padtrymku zakonaprajekta prahałasavali 87 deputataŭ, uklučajučy pradstaŭnikoŭ dźviuch najbujniejšych parłamienckich frakcyj, 27 členaŭ parłamienta vykazalisia suprać, adzin ustrymaŭsia.
Prychilniki zakonu nastojvajuć na tym, što krainie nieabchodna prymać bolš mier, nakiravanych na abmiežavańnie prytoku mihrantaŭ.
Dackija ŭłady nastojvajuć na tym, što novyja praviły tolki ŭraŭnoŭvajuć mihrantaŭ z hramadzianami krainy. Biespracoŭnyja datčanie abaviazanyja pradać svaju ŭłasnaść, kali jaje košt pieravyšaje peŭnuju sumu, dla taho kab pretendavać na atrymańnie sacyjalnych dapamoh.
Urad Danii abmiarkuje i jašče adnu nieadnaznačnuju prapanovu — zatrymlivać uźjadnańnie siemjaŭ biežancaŭ i mihrantaŭ, kab pazbavić ich stymułu prasić prytułku ŭ Danii.
