Karumpavanaść prezidenta Rasii Uładzimira Pucina, u jakoj jaho abvinavacili ŭ Minfinie ZŠA, — vydumka. Pra heta, jak paviedamlaje RNS, zajaviŭ u paniadziełak pres-sakratar rasijskaha lidara Dźmitryj Piaskoŭ.
«Nivodnaje z hetych pytańniaŭ [ab dačynieńni Pucina da karupcyi] nie patrabuje adkazu, bo jany źjaŭlajucca čystaj vydumkaj», — zajaviŭ Piaskoŭ
Raniej 25 studzienia pradstaŭnik Minfina ZŠA Adam Šubin u intervju «Bi-bi-si» abvinavaciŭ Pucina ŭ datyčnaści da karupcyi. «My bačyli, jak jon [Pucin] ŭzbahačaje svaich siabroŭ, blizkich sajuźnikaŭ i marhinalizuje tych, kaho nie ličyć siabrami i chto nie vałodaje dziaržaŭnymi aktyvami. Niachaj heta budzie enierhietyčnaje bahaćcie Rasii ci inšyja dziaržaŭnyja kantrakty, jon addaje heta [aktyvy] tym, chto budzie jamu słužyć, i vyklučaje tych, chto nie budzie. Dla mianie heta karupcyja», — skazaŭ čynoŭnik.
