Papa Francišak robić sełfi dla Instagram
«Elektronnyja listy, tekstavyja paviedamleńni, sacyjalnyja sietki i čaty mohuć być paŭnavartasnaj formaj čałaviečaj kamunikacyi», — skazaŭ Papa ŭ svaim paviedamleńni ŭ suśvietny dzień Kamunikacyi, jaki adznačaje Katalickaja carkva.
«Nie technalohija vyznačaje, ščyraja heta kamunikacyja ci nie, ale čałaviečaje serca i našaja zdolnaść razumna karystacca tymi srodkami, jakija my majem», — kaža jon.
Letaś 79-hadovy Francišak pryznaŭsia maładoj dziaŭčynie, što jamu niajomka pryznać, što jon nia viedaje, jak karystacca kamputaram, a jahonaje sutyknieńnie z technalohijami — sucelnaja «katastrofa».
Jon taksama kazaŭ, što za siamiejnym abiedam treba zabaranić smartfony, a ŭ dziciačych pakojach nia moža być kamputaraŭ.
Paviedamleńnie Fraciška, «ci pa božamu pradbačańniu ci pa čałaviečamu supadzieńniu», piša Reuters, — było apublikavanaje ŭ čas jahonaj sustrečy ź kiraŭnikom Apple Cimam Kukam. U im jon našmat bolš łahodna stavicca da sučasnych technalohij.
«Sacyjalnyja sietki mohuć palepšyć stasunki i paspryjać palapšeńniu hramadztva, ale jany taksama mohuć pryvieści da raskołu i raźjadnańnia pamiž asobnymi ludźmi i hrupami ludziej», — kaža jon.
Sučasnyja srodki kamunikacyja — heta «dar Božy, jaki patrabuje vialikaj adkaznaści», — kaža Papa Francišak.
