Biełaruskija turkampanii ciapier raźličvajuć unutrany kurs dla prodažu puciovak pa formule «kurs Nacbanka plus 2-7%», paviedamili karespandentu BiełTA pradstaŭniki turbiźniesu.
U Biełarusi z 1 sakavika 2015 hoda za pucioŭki možna płacić tolki ŭ biełaruskich rublach. Kampanii raźličvajuć canu tura zychodziačy sa svajho ŭnutranaha abmiennaha kursa i paznačajuć košt u rublach. Unutrany kurs abnaŭlajecca kožny dzień i raźličvajecca pa formule «kurs Nacbanka plus peŭny pracent kanviertacyi». Pracent kanviertacyi turfirmy ŭstanaŭlivajuć samastojna.
Raniej jon byŭ u miežach 1,5-3,5 pracenta, ciapier na fonie vahańniaŭ kursaŭ valut turfirmy ŭźniali jaho da 5 pracentaŭ, asobnyja kampanii — da 7 pracentaŭ.
«Heta była časovaja miera, paśla siońniašnich tarhoŭ i ŭmacavańnia biełaruskaha rubla pracenty buduć źnižacca», — adznačyli pradstaŭniki turbiźniesu.
«My pradajom klijentam pucioŭki za biełaruskija rubli, a raźličvajemsia z partniorami ŭ valucie, pry vahańniach kursa davodzicca ŭźnimać pracent za kanviertacyju valuty», — raskazali ŭ kampanii «Muzienidzis Trevieł».
Anałahičnaja situacyja ŭ kampanii «Vajažtur».
«Atrymanuju ad klijentaŭ sumu my pavinny pieravieści ŭ valutu tura, kupić dołary abo jeŭra ŭ banku, tamu da kursa Nacbanka dadajecca pracent kanviertacyi. My jaho zachoŭvajem na minimalnym uzroŭni», — rastłumačyli ŭ kampanii Solvex.