Pra heta paviedamili ŭ Hrodzienskaj dyjacezii Rymska-katalickaj carkvy.
tut.by
Asablivaje nabaženstva adbudziecca ŭ subotu 23 studzienia. U abjadnaŭčaj malitvie voźmuć udzieł rymska-katalicki, hreka-katalicki, pravasłaŭny śviatary i luteranski pastar. Na imšu zaprašajuć achvotnych roznych kanfiesij. Padčas malitvy prysutnyja ŭ znak adzinstva zmohuć zapalić śviečki ad paschalnaj śviečki, što simvalizuje Chrysta. Śviatary i vierniki buduć vitać adno adnaho abdymkami i pakłonam — heta budzie słužyć simvałam miru. Paśla nabaženstva adbudziecca liturhija za abjadnańnie viernikaŭ roznych kanfiesij.
Dałučycca da ŭsieahulnaj malitvy za adzinstva chryścijan zaklikaŭ biskup Hrodzienski Alaksandr Kaškievič. Jaho pasłańnie začytvajuć parafijanam va ŭsich parafijach.
Bohasłužeńnie ŭ kafiedralnym kaściole projdzie padčas štohadovaha tydnia malitvy za prymireńnie i adzinstva chryścijan. Praviadzieńnie takoha tydnia zaklikana słužyć «vyrazam ahulnaha pošuku šlachoŭ da vyratavańnia i ŭzajemnaha prymireńnia», havorycca ŭ pasłańni biskupa. U Farnym kaściole takoje mierapryjemstva adbudziecca ŭ šosty raz.
