Prezident Rasijskaj akademii navuk Uładzimir Fortaŭ zajaviŭ, što Rasija istotna adstała ŭ navukovaj śfiery, apuściŭšysia da ŭzroŭniu Irana.

«Va ŭsim śviecie nazirajecca litaralna vybuchovy rost navukovaj śfiery, za jakoj my, na žal, vidavočna nie paśpiavajem», — skazaŭ prezident RAN na pasiadžeńni savieta pry prezidencie Rasii pa navucy, technałohijach i adukacyi.

Pa słovach Fortava, adnoj z hałoŭnych zadač pavinna być «terminovaje vypraŭleńnie tryvožnaj, haniebnaj [dla Rasii] situacyi» ź nizkaj kolkaściu navukovych artykułaŭ.

«…Rost našych publikacyj za 15 hadoŭ skłaŭ usiaho 12% suprać 10-kratnaha rostu ŭ Kitai i trochrazovaha ŭ Indyi. Pry hetym pa kolkaści artykułaŭ Kitaj nas abahnaŭ ŭ 1997 hodzie, Indyja — u 2005 hodzie, a Brazilija — u 2007 hodzie. U śpinu dychaje Iran», — rastłumačyŭ Uładzimir Fortaŭ.

Kiraŭnik RAN taksama adznačyŭ, što novyja navukovyja stratehii, jakija ŭvodziacca ŭ Rasii, nie vielmi palepšyli situacyju.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?