Viarchoŭny sud ZŠA zajaviŭ, što razhledzić zakonnaść rašeńnia prezidenta Baraka Abamy pa źmianieńni mihracyjnaj palityki, jakoje pryviadzie da lehalizacyi miljonaŭ mihrantaŭ.
Jašče ŭ 2014 hodzie Abama padpisaŭ ukaz, zhodna ź jakim kala piaci miljonaŭ mihrantaŭ, jakija nielehalna pražyvajuć u Złučanych Štatach, atrymajuć lehalny status i im bolš nie budzie pahražać departacyja.
Heta klučavaja častka prapanavanaj Abamam imihracyjnaj reformy.
Adnak nižejstajačyja sudovyja instancyi ŭ 26 štatach — u asnoŭnym kansiervatyŭnych — zabłakavali hetuju reformu.
Rašeńnie Viarchoŭnaha suda čakajecca ŭ pačatku leta, kali pieradvybarčaja kampanija ŭ ZŠA pačniecca ŭ poŭnuju siłu.
Barak Abama vystupiŭ z prezidenckaj inicyjatyvaj u listapadzie 2014 hoda paśla taho, jak niekalki sprob pravieści reformu imihracyjnaj sistemy praz kanhres skončylisia niaŭdačaj.
Zhodna z reformaj, ludzi, jakija pražyli ŭ ZŠA bolš za piać hadoŭ i majuć dziaciej z pravam pražyvańnia na terytoryi krainy, atrymajuć mahčymaść uładkavacca na pracu na zakonnych padstavach.